وفاقی تحقیقاتی ادارے ایف آئی اے لاہور نے مونس الہٰی کے خلاف منی لانڈرنگ کیس میں ضمنی چالان جمع کروادیا۔
چالان میں فراصت علی چٹھہ کی جانب سے دیے گئے ایک ارب روپے کو بنیاد بنایا گیا ہے، چالان کے مطابق ایک ارب روپے کی خطیر رقم فراصت علی چٹھہ نے مونس الہٰی کی کمپنیوں میں جمع کروائی۔
ایف آئی اے منی لانڈرنگ سرکل نے مونس الہٰی کیخلاف اربوں روپے کی کرپشن کا مقدمہ درج کیا تھا، چالان میں مزید کہا گیا ہے کہ مونس الہٰی بطور ایم این اے کروڑوں روپے کی کرپشن میں ملوث رہے ہیں۔
نوٹس میں کہا گیا کہ مو نس الہٰی کو تین کال اپ نوٹس جاری کیے مگر وہ ایک بار بھی پیش نہیں ہوئے، مونس الہٰی کی گرفتاری کیلئے انٹرپول کے ذریعے ریڈ وارنٹ پہلے ہی جاری کیے جا چکے ہیں۔