وفاقی وزیرِ داخلہ محسن نقوی نے تاریخی شب قدر قلعہ کا دورہ کیا اور مختلف حصے دیکھے۔
محسن نقوی نے زنجیروں میں جکڑے قلعے کے اصلی و قدیمی دروازوں میں گہری دلچسپی کا اظہار کیا۔
کمانڈنٹ ایف سی معظم جاہ انصاری نے قلعے اور زنجیروں میں جکڑے دروازوں کے تاریخی پس منظر پر بریفنگ دی۔
وزیرِ داخلہ نے برطانیہ کے سابق وزیرِ اعظم سر ونسٹن چرچل کا مجسمہ بھی دیکھا اور 1837ء میں تعمیر کیے گئے دیار کی لکڑی کے ریسٹ ہاؤس کا دورہ بھی کیا۔
وفاقی وزیرِ داخلہ محسن نقوی نے وزیٹرز بک میں تاثرات بھی درج کیے۔
اس موقع پر گفتگو کرتے ہوئے محسن نقوی نے کہا کہ شب قدر قلعہ تاریخ سموئے ہوئے ہے، فرنٹیئر کانسٹیبلری کی پشاور سمیت خیبر پختونخوا میں قیام امن کے لیے گراں قدر خدمات ہیں۔
محسن نقوی کا کہنا ہے کہ ایف سی افسروں اور جوانوں نے دہشت گردی کے خلاف جنگ میں بہادری کی داستانیں رقم کی ہیں، قوم کو ایف سی کے جری سپوتوں پر ناز ہے۔