صدر مسلم لیگ ن آزاد کشمیر شاہ غلام قادر نے کہا ہے کہ سعودی فنڈز سے 48 میگا واٹ کے شونٹر پاور پروجیکٹ کی تعمیر کا جَلد آغاز کر دیا جائے گا۔
شاہ غلام قادر نے میڈیا سے گفتگو کے دوران کہا ہے کہ پسماندہ علاقوں کی تعمیر و ترقی مسلم لیگ ن حکومت کی ترجیح ہے۔
شاہ غلام قادر کا کہنا ہے کہ آزاد کشمیر عوام کے تحفظات، ریاست کی تعمیر و ترقی کے لیے جامع رپورٹ وزیرِاعظم پاکستان کو جَلد پیش کر دی جائے گی۔
انہوں نے مزید کہا کہ دودھنیال، شاردہ، کیل گریس ویلی شاہراہِ نیلم کی پختگی اور کشادگی کے لیے 33 کروڑ روپے کے فنڈز جاری کر دیے گئے ہیں۔
شاہ غلام قادر نے یہ بھی کہا ہے کہ پھولائی کے مقام پر 2 میگا واٹ کے بجلی گھر تعمیر کر کے گریس ویلی کی بجلی کی ضروریات پوری کریں گے۔