سوات (آئی این پی )خیبرپختونخوا کے ضلع سوات اور گردونواح میں زلزلے کے جھٹکے محسوس کیے گئے۔زلزلہ پیما مرکز کے مطابق ریکٹر اسکیل پر زلزلے کی شدت 4.8 ریکارڈ کی گئی، زلزلے کی زیر زمین گہرائی 185 کلومیٹر تھی۔زلزلے کا مرکز ہندوکش کا پہاڑی سلسلہ تھا۔ زلزلے کی وجہ سے لوگوں میں خوف وہراس پھیل گیا اور کلمہ طیبہ کا ورد کرتے ہوئے گھروں سے نکل کر محفوظ مقامات کی طرف دوڑ پڑے۔فوری طورپر کسی جانی ومالی نقصان کی اطلاع نہیں ملی ہے۔