روس نے کہا ہے کہ سوئٹزرلینڈ میں یوکرین کانفرنس کے نہ ہونے کے برابر نتائج مرتب ہوئے ہیں۔
سوئٹزرلینڈ میں یوکرین امن کانفرنس کے انعقاد پر کریملن بیان سامنے آگیا۔
ترجمان روسی حکومت نے کہا کہ روس کی شمولیت کے بغیر یوکرین امن کانفرنس کا انعقاد فضول رہا۔
انکا کہنا تھا کہ یوکرین پر مذاکرات کے خواہشمند تمام ممالک سے بات چیت میں اپنا مؤقف بتانے کےلیے تیار ہیں۔
ادھر غیر ملکی خبر رساں ایجنسی کا کہنا ہے کہ سوئٹزرلینڈ میں 15 اور 16 جون کو منعقدہ کانفرنس میں 90 سے زائد ممالک نے شرکت کی تھی۔
سوئٹزرلینڈ میں یوکرین امن کانفرنس میں چین اور روس شامل نہیں ہوئے تھے۔