لوئر دیر(آئی این پی) ایف سی چیک پوسٹ پر دہشتگردوں کے حملے میں 2اہلکار شہید ہو گئے، سکیورٹی ذرائع کے مطابق فورسز کی فائرنگ سے کئی دہشت گرد مارے گئے ، تبادلہ کافی دیر تک جاری رہا۔میڈیا رپورٹس کے مطابق دہشت گردوں نے ہفتے کی علی الصباح میدان سوری پا میں ایف سی کی چیک پوسٹ پر حملہ کردیا۔ دہشت گردوں کی فائرنگ سے 2 سکیورٹی اہل کار شہید ہو گئے۔سکیورٹی ذرائع کے مطابق فورسز کی فائرنگ سے بھی کئی دہشت گرد مارے گئے جب کہ فائرنگ کا تبادلہ کافی دیر تک جاری رہا۔