اسلام آباد (ساجد چوہدری)پاکستان بھر میں پی ایس کیو سی اے کے فوڈ سٹینڈرڈز پر عملدرآمدکا فیصلہ کیا گیا ہے ، تمام صوبائی فوڈ اتھارٹیزصوبائی ایکٹ میں معیارات کے تعین کے سلسلے میں ترمیم پر نظرثانی اور تجاویز جلد دینگی، وزارت سائنس و ٹیکنالوجی کے اعلیٰ حکام کے مطابق اس کا فیصلہ حال ہی میں فوڈ سٹینڈرڈز سے متعلق نیشنل سٹینڈرڈز سٹیئرنگ کمیٹی کے اجلاس میں کیا گیا ہے ، پی ایس کیو سی اے اور صوبائی فوڈ اتھارٹیز کی فوڈ سٹینڈرڈز کی ہم آہنگی کے سلسلے میں کی جانیوالی مشترکہ کاوشوں کو سراہا گیا ہے ، ذرائع کے مطابق اجلاس میں فیصلہ کیا گیا کہ پی ایس کیو سی اے آئندہ ”سرٹیفکیشن مارکس لائسنس“ کی بجائے دستاویزات پر ”سرٹیفیکیشن مارک لوگو“ لگائے گی۔