ٹی ٹوئنٹی ورلڈ کپ کی تاریخ میں پہلی بار دو ناقابل شکست ٹیمیں فائنل میں مدمقابل ہوں گی۔
جنوبی افریقا اور انڈیا کی ٹیمیں ٹی ٹوئنٹی ورلڈ کپ 2024 میں کوئی میچ نہیں ہاری۔
فائنل میں جو ٹیم کامیاب رہے گی وہ ناقابل شکست رہتے ہوئے ٹورنامنٹ جتنے والی پہلی ٹیم ہوگی۔
مجموعی ورلڈ کپ مقابلوں میں 1979 کے بعد پہلی مرتبہ دو ناقابل شکست ٹیموں کا فائنل میں مقابلہ ہونے جارہا ہے۔
1979 کے ون ڈے ورلڈ کپ میں انگلینڈ اور ویسٹ انڈیز کی ٹیمیں فائنل سے پہلے کوئی میچ نہیں ہاری تھی۔
ویسٹ انڈیز نے 1979 اور 1975 کا ورلڈ کپ ناقابل شکست رہتے ہوئے جیتا تھا۔
2003 اور 2007 کی ون ڈے ورلڈ کپ فاتح ٹیم آسٹریلیا ٹورنامنٹ میں ناقابل شکست رہی۔
1996 میں سری لنکا کی ٹیم دو واک اوور سمیت پورے ٹورنامنٹ میں ناقابل شکست رہی تھی۔
2002 کی آئی سی سی چیمپئنز ٹرافی کا فائنل ناقابل شکست ٹیموں انڈیا اور سری لنکا کے درمیان ہوا تھا۔