اٹک میں ڈی آئی خان موٹر وے پر ہکلا انٹرچینج کے قریب ایمبولینس کو حادثہ پیش آیا ہے جس کے نیتجے میں 5 افراد جاں بحق ہو گئے۔
ریسکیو حکام کے مطابق ہکلا انٹرچینج کے قریب ایمبولینس اور ٹینکر میں تصادم میں 3 افراد زخمی بھی ہوئے ہیں۔
حکام کا کہنا ہے کہ جاں بحق افراد میں ریسکیو اہلکار بھی شامل ہے جبکہ ایک ریسکیو اہلکار زخمی ہوا۔
ایمبولینس میں مریض کو بےنظیر اسپتال راولپنڈی شفٹ کیا جا رہا تھا۔
ریسکیو حکام نے بتایا کہ حادثے میں مریض اور اس کی 3 رشتہ دار خواتین بھی جاں بحق ہو گئیں۔