کراچی (نیوز ڈیسک) سابق صدر مملکت اور پاکستان تحریک انصاف (پی ٹی آئی) کے مرکزی رہنما عارف علوی نے سندھ حکومت کے پریمیم نمبر پلیٹس نمبر اقدام کو بےشرمی کا عمل قرار دیتے ہوئے کہا ہے کہ زوال پذیر معاشرے میں دولت کی نمائش اور مجروں کی حوصلہ افزائی پر کیا کہہ سکتا ہوں؟۔ سماجی رابطے کی ویب سائٹ پر جاری بیان میں عارف علوی نے کہا کہ سندھ حکومت کا اسپیشل نمبر پلیٹس کی نیلامی ریاستی لالچ کی طرف بے شرمی کا عمل ہے۔ انہوں نے کہا کہ وہ زوال پذیر معاشرہ میں ہونے والی دولت کی نمائش اور مجروں کی حوصلہ افزائی پر کیا کہہ سکتے ہیں؟ سابق صدر نے مزید کہا کہ اس لوٹ مار کی ریاستی حوصلہ افزائی کی جارہی ہو، اس کی کوئی تُک نہیں بنتی، اللہ رحم کرے۔