غیر ملکی خبر ایجنسی کے مطابق شام کے شہر حلب میں باغیوں نے میزائلوں سے حملہ کردیا ، جس کے نتیجے میں پندرہ شہری ہلاک اور100 سے زائد زخمی ہوگئے۔
بتایا جاتا ہے کہ ہلاکتیں راکٹ حملوں کی وجہ سے ہوئیں،ادھر جنگ کی صورتحال کی مانیٹرنگ کرنے والے گروپ کا کہناہے کہ باغیوں نے حلب کے مغربی علاقے میں حکومتی زیر قبضہ علاقوں میں راکٹوں سے حملہ کیا تھا ، جس کے نتیجے میںایک درجن سے زیادہ شہری ہلاک ہوئے ہیں ، حملہ علاقے میں حکومت کا قبضہ ختم کرانے کیلئے کیا گیا۔
واضح رہے کہ گزشتہ کئی ماہ سے حلب اور اسکے گردونواح میں جنگ جاری ہے اور اسکے نتیجے میں شہریوں بالخصوص بچوں اور خواتین کی ہلاکتیں بڑھتی جارہی ہیں۔