وزیر اعلیٰ سندھ مراد علی شاہ نے لاڑکانہ کیڈٹ کالج کے طالب علم محمد احمد کے علاج کےلئے امریکی ویزے کے کاغذات امریکی قونصل جنرل کے حوالے کردئیے۔
وزیراعلیٰ سندھ سے امریکی قونصل جنرل کی سربراہی میں وفد نے وزیر اعلیٰ ہاؤس میں ملاقات کی۔اس موقع پر وزیراعلیٰ سندھ نے امریکی قونصل جنرل کو لاڑکانہ کیڈٹ کالج کے طالب علم محمد احمد کے علاج کیلئے امریکی ویزے کے کاغذات دئیے۔
امریکی قونصل جنرل نے جلد ویزہ دینے کی یقین دہانی کرائی۔
ملاقات میں وزیرتعلیم سندھ، چیف سیکرٹری رضوان میمن اور سیکرٹری ایجوکیشن بھی شریک تھے۔