کراچی میں ٹریفک کے مسائل کے حل کے لئے ٹریفک پولیس نے شہر کی اہم شاہراہوں پر بڑی گاڑیوں کے داخلے پر پابندی عائد کردی۔
ڈی آئی جی ٹریفک آصف اعجاز شیخ نے کہا کہ شہر کی جن اہم شاہراہوں پر بڑی گاڑیوں کی آمد پر پابندی عائد کی گئی ان میں جام صادق برج، سن سیٹ بلیوارڈ سے سن سیٹ بلیوارڈ سگنل، پنجاب کالونی، کلفٹن اور بوٹ بیسن شامل ہیں۔
ڈی آئی جی ٹریفک کے مطابق ان سڑکوں پر بڑی گاڑیوں کے داخلے پر صبح 6 بجے سے رات 11 بجے تک پابندی عائد کی گئی ہے۔ ان کا کہنا ہے کہ پابندی سے ٹریفک کی روانگی بہتر ہوگی۔