آصف زرداری کی زیر صدارت پیپلز پارٹی کا اعلیٰ سطح اجلاس زرداری ہاؤس میں ہوا جس میں پارٹی کے 3 لا پتہ افراد کے معاملے کو قومی اسمبلی اور سینیٹ کے اجلاسوں میں مزید اجاگر کرنے کا فیصلہ کیا گیا ہے۔
ذرائع کے مطابق آصف زرداری کی زیر صدارت اعلیٰ سطح اجلاس زرداری ہاؤس میں ہوا جس میں اپوزیشن لیڈر خورشید شاہ سمیت پیپلز پارٹی کے اراکین پارلیمنٹ نے شرکت کی۔
اجلاس میں پیپلز پارٹی کے 3 لا پتہ افراد کے معاملے پر تفصیلی مشاورت کے بعد قومی اسمبلی اور سینیٹ کے اجلاسوں میں اسے مزید اجاگر کرنے کا فیصلہ کیا گیا ہے۔
پیپلز پارٹی کے اراکین پارلیمنٹ آج بھی دونوں ایوانوں میں اس معاملے پر احتجاج کریں گے۔