وزیر اعلیٰ پنجاب شہباز شریف نے کہا ہے کہ سی پیک منصوبے پر کسی نے سیاست کی یا ڈیڑھ اینٹ کی الگ مسجد بنائی تو تاریخ کبھی معاف نہیں کرے گی ۔
لاہورمیں دوسرے2 روزہ انٹرنیشنل بزنس سیمینار کی افتتاحی تقریب سے خطاب کرتے ہوئے انہوں نے مزید کہا کہ آج پوری دنیا اس منصوبے کی تعریف کر رہی ہے، دوست خوش اور مخالفین پریشان ہیں۔
وزیراعلیٰ پنجاب محمد شہبازشریف نےغیر ملکی سرمایاکاروں کو دعوت دی کہ وہ بھرپور سرمایا کاری کریں، ہم انہیں تحفظ دیں گے،سی پیک منصوبوں کی شفافیت شک و شبے سے بالاتر ہے ۔
انہوں نے مزید کہا کہ ان کی حکومت مخلصانہ انداز میں توانائی منصوبوں پر تیزی سے کام کر رہی ہے،حکومت نے ملک کو دہشت گردی سے پاک کرنے کا عزم کر رکھا ہے۔
شہبازشریف کا یہ بھی کہنا ہے کہ آج موقع ہے کہ پچھلی کوتاہیوں کا ازالہ کریں، لیکن افسوس کہ ہم نے تاریخ سے کوئی سبق نہیں سیکھا۔