پاکستان کرکٹ بورڈ کے چیئرمین شہریار خان نے سابق کپتان عامر سہیل کے بیان پر شدید تنقید کی ہے اور کہا ہے کہ پیمرا نوٹس لے کہ سابق کھلاڑی کی یہ بات کیسے نشر ہوئی۔
سابق کپتان عامر سہیل نے ایک انٹرویو میں پاکستانی کرکٹ ٹیم کے کپتان سرفراز احمد پر الزام لگایا تھا کہ اُنہیں معلوم ہے کہ چیمپئنز ٹرافی میں پاکستان کو کس طرح جتوایا جارہا ہے۔
دوسری طرف عامر سہیل نے جیو نیوز سے گفتگو میں ان تمام الزامات کی تردید کرتے ہوئے کہا کہ اُن کے بیان کو توڑ مروڑ کر پیش کیا گیا، وہ خود پاکستان کی جانب سے کھیلے ہیں اور ٹیم کے کپتان رہے ہیں۔ وہ کبھی بھی ایسی بات نہیں کرسکتے جس سے ملک کی بدنامی ہو۔