پاکستان کرکٹ ٹیم کے سابق کپتان سلیم ملک نے مسلم لیگ ق میں شمولیت اختیار کر لی،انہیں ق لیگ اسپورٹس ونگ کا انچارج بنادیا گیا ہے۔
سابق کپتان سلیم ملک نے مسلم لیگ ق کے رہنما چوہدری پرویز الٰہی سے لاہور میں ملاقات کی۔اس موقع پر پرویز الٰہی نے کہا کہ وقت سلیم ملک کے فیصلے کو درست ثابت کرےگا۔
سلیم ملک نے کہا کہ وہ چوہدری شجاعت حسین اور پرویز الہٰی کی قیادت پر مکمل اعتماد کا اظہار کرتے ہیں،چوہدری برادران کی سیاست رواداری اور شرافت کی اعلیٰ مثال ہے۔
سابق کپتان نے مزید کہا کہ چوہدری برادران نے اپنے پانچ سالہ دور میں صوبے میں جو ترقیاتی کام کیے وہ اپنی مثال آپ ہیں۔