وزیر اعظم نواز شریف کے مشیر امیر مقام کا کہنا ہے کہ تحریک انصاف نے پختونخوا میں عوام کے مینڈیٹ کا مذاق بنادیا ہے ، پی ٹی آئی کے وزرا خود اپنے وزیر اعلیٰ کے خلاف کھڑے ہوگئے ہیں ۔
پشاور کے نواحی علاقے کوہ دامن میں گیس پائپ لائن کا سنگ بنیاد رکھنے کی تقریب سے خطاب میں امیر مقام نے کہا کہ تحریک انصاف فیس بک پارٹی بن چکی ہے، گراونڈ پر کچھ نہیں ہے ۔
اس موقع پر وزیراعظم کے مشیر نے پی ٹی آئی سربراہ عمران خان کو پارٹی کا نام بدل کر فیس بک پارٹی رکھنے کا مشورہ بھی دیا ۔
امیر مقام کا کہنا تھا کہ مسلم لیگ ن کو خیبر پختونخوا میں مینڈیٹ نہ ملا مگر پارٹی نے عوام کی خدمت جاری رکھی ہے۔