کسٹمز انٹیلی جنس نے کراچی میں کنٹینر سے 16 کروڑ روپے کے 15 ہزار سے زائد اسمگل شدہ موبائل فون اور دیگر سامان برآمد کرلیا۔
کارروائی کے دوران کسٹم انٹیلی جنس نے دو ملزمان کو بھی گرفتار کیا ہے۔
کسٹم حکام کے مطابق پکڑی گئی کھیپ میں ایل ای ڈی، سیٹلائٹ ریسیور موبائل ایسیسریز، ڈی وی آر، ٹیبلٹ اور الیکٹرانک کا دیگر سامان بھی شامل ہے۔
ملزمان کے قبضے سے اسلحہ بھی برآمد ہوا ہے، کنٹینر کراچی پورٹ سے سیالکوٹ سمبڑیال ڈرائی پورٹ جا رہا تھا۔