کوئٹہ(سٹی ڈیسک)تحریک منہاج القرآن کے صوبائی صدر صاحبزادہ پیر سید حبیب اللہ شاہ چشتی نے کہا کہ صوبائی حکومت ٹارگٹ کلنگ اور اغواء برائے تاوان کی وارداتوں کوختم کرنے میںناکام ہوچکی ہے گزشتہ دنوں امیر اہلحدیث بلوچستان مولانا محمد علی ابو تراب کو ائیرپورٹ روڈ سے دن دیہاڑے اغواء کیاگیا جبکہ کچلاک میں ٹارگٹ کلنگ سے چارافراد قتل ہوئے مگر افسوس کہ صوبائی حکومت آج تک اغواء برائے تاوان میںملوث کسی بھی ملزم کو گرفتار نہیں کرسکی نہ ہی انکی نشاندہی کی گئی ہے بلکہ مغوی تاوان ادا کرنے کے بعد رہا ہوتے ہیںعدالت ملک سے کرپشن کے خاتمے کیلئے فوری طورپر سخت ایکشن لے انہوںنے مطالبہ کیا کہ مولانا محمد علی ابوتراب کی بازیابی کیلئے اقدامات کئے جائیں بصورت دیگر تحریک منہاج القرآن دوسری جماعتوں کے ساتھ مل کر سخت احتجاج کرے گی۔