موٹر سائیکل پر یوں تو آپ نے کئی منچلے نوجوانوں کو سیر کرتے دیکھا ہوگا لیکن ذرا اس شوقین ریچھ کو تو دیکھئے جو گھومنے پھرنے کا اتنا شوق رکھتا ہے کہ ایک بار پھر اپنے مالک کے ساتھ بائیک پرسیر و تفریح کرنے نکل پڑا۔
روس سے تعلق رکھنے والے اس ریچھ نے اپنے مالک کے ساتھ بائیک پر بیٹھے ٹھنڈی ٹھنڈی ہواؤں کے مزے لیتے سواری کا بھرپور لطف اٹھایا۔
موٹر سائیکل پر گھومنے کے شوقین اس ریچھ نے سیر کے دوران نا صرف باجا بجا کر لوگوں کو حیران کردیا بلکہ تالیاں بجاکر اپنی خوشی کا اظہار کرتا بھی دکھائی دیا۔
موٹر سائیکل پر سیر کرتے اس شوقین ریچھ کی ویڈیوان دنوں سوشل میڈیا پر لاکھوں افراد کی توجہ کا مرکز بنی ہوئی ہے۔