روہنگیا مسلمانوں کو دہشتگرد کہنے پر مس یو نیورس میانمار آرگنائزیشن نے مس میانمار سے انکا اعزاز واپس لے لیا گیا۔
مس میانمار نے سوشل میڈیاپر راخائن میں روہنگیا مسلمانوں سے متعلق وڈیو پوسٹ کی تھی۔جس میں روہنگیا مسلمانوں کو دہشتگرد قرار دیتے ہوئے کہا تھا کہ وہ دنیا بھر میں خودکومظلوم ظاہر کرنےکیلئے میڈیامہم چلا رہے ہیں۔
تاہم مس میانمار کا کہنا ہے کہ ان سے یہ اعزاز روہنگیا مسلمانوں سے متعلق وڈیو کی وجہ سے واپس نہیں لیا گیا۔ادھر اس سے قبل بنگلہ دیش کی ملکہ حسن جنت النعیم ایورل سے پانچ روز بعد ہی مس ورلڈ بنگلہ دیش کا تاج واپس لے لیا گیا۔
اس کی وجہ یہ تھی کہ انہوں نے اپنی شادی کو خفیہ رکھا تھا اوراسی لیے ان سے یہ اعزاز واپس لیا گیا۔منتظمین کا موقف ہے کہ مس ورلڈ بنگلہ دیش میں غلط معلومات فراہم کرنے والی کسی خاتون کو نمائندگی کاموقع نہیں دیا جا سکتا۔ مس ورلڈ مقابلے کے قواعد کے تحت صرف غیر شادی شدہ لڑکیاں ہی اس میں حصہ لے سکتی ہیں۔