اسٹیج ڈراموں کی معروف اداکارہ شمیم عرف شمو فائرنگ سے جاں بحق ہوگئی ہیں۔ پولیس کے مطابق ادکارہ ملتان کے علاقے شاہ ٹاؤن میں کرائے کے مکان پر رہائش پذیر تھیں ان کے شوہر اظہر نے علی الصبح اطلاع دی کہ ان کی اہلیہ کو قتل کردیا گیا ہے۔
پولیس حکام کا کہنا ہے کہ ابتدائی تفتیش میں انکشاف ہوا ہے کہ اداکارہ کو گھر میں ہی واردات کرکے قتل کیا ہے اور ان کے شوہر نے اہلیہ کے قتل کی خبر واقعے کے 4 گھنٹے بعد دی جس پر پولیس نے کارروائی کرتے ہوئے اداکارہ کے شوہر کو شک کی بنیاد پرحراست میں لے لیا ہے۔