حقیقی واقعات پر مبنی ہالی وڈ کی نئی بائیگرافیکل ڈرامہ فلم گڈ بائے کرسٹوفر روبن کافائنل ٹریلر جاری کر دیا گیا ہے، فلم کل سینما گھروں میں نمائش کے لیے پیش کی جائے گی۔
ہدایتکارسائمن کرٹیز کی اس سنسنی خیز فلم کی کہانی مشہور برطانوی رائٹراور وِنی دی پُوہ کے خالق اے اے ملنے کی زندگی کے گِرد گھوم رہی ہے جو اپنے بیٹے سے بے پناہ محبت کرتا تھا ۔
اسٹیو کرسٹین اورڈیمیئن جونز کی مشترکہ پروڈکشن میں بننے والی اس فلم کی کاسٹ میں ہالی وڈ اداکارڈوم نال گلیسن ، مارگیٹ روبی، کیلی میکڈونلڈ،ہنی ہومزاورجیسن میتھیو سن سمیت دیگر کئی فنکار شامل ہیں۔
باپ بیٹے کی لا زوال محبت کی خوبصورت کہانی کی عکاس یہ فلم فوکس پکچرز کے تحت کل13اکتوبر کو سنیما گھروں کی زینت بنائی جائیگی۔