برطانوی کرکٹر معین علی کو ایک مگر مچھ نے اس وقت خوفزدہ کردیا جب وہ اسے خوراک ڈال رہے تھے۔
تفصیلات کے مطابق برطانوی کرکٹر معین علی نے اپنے ساتھی کھلاڑی ایلیسٹیئر کْک کے ہمراہ آسٹریلوی ریاست کوئنز لینڈ میں موجود ایک وائلڈ لائف پارک کا دورہ کیا۔
اس دوران معین علی نے ایک بانس کے ذریعے تالاب میں موجود 800کلو گرام وزنی مگر مچھ کو خوراک ڈالی۔
معین علی کچھ دیر تک بانس پکڑ کر کھڑے رہے کہ اس ہی دوران مگرمچھ نے اچانک پانی سے منہ باہر نکال کر خوراک جھپٹ لی جس سے معین علی خوفزدہ ہو کر پیچھے ہٹ گئے۔