دنیابھر میں کئی لو گ اپنی محبوبہ کو شادی کی پیشکش کے لیے بہت سے اہم مواقع کا انتخاب کرتے ہیں اور کچھ ایسا منفرد کرنے کی کوشش کرتے ہیں، جس سے محبوب فورا راضی ہوجائے ۔
لیکن کبھی کبھی شادی کی پیشکش کے دوران ایسے واقعات بھی رونما ہوجاتے ہیں، جس سے یہ یادگار دن افسوس کے دن میں تبدیل ہوجاتا ہے۔
جی ہاں ایسا ہی ایک منظرآئس لینڈ میں دیکھنے کو ملا، جہاں ایک نوجوان نے اپنی شادی کی پیشکش کا تمام منظر ڈرون کے ذریعے کیمرے میں محفوظ کر نا چاہا۔
لیکن جیسے ہی نوجوان نے اپنی محبوبہ کو شادی کی پیشکش کی اور انگوٹھی پہنانا چاہی عین اسی وقت ڈرون ہچکولے کھاتا ہوا زمین پر آگرا۔
یوں شادی کی پیشکش کا یادگار منظر ڈرون نے برباد کرکے نوجوان کو افسوس میں مبتلا کردیا۔