لاہور ہائیکورٹ نے سابق وزیر اعظم نواز شریف کی بیٹی مریم نواز کے چیئرپرسن یوتھ لون پروگرام کی حیثیت سے استعفے پر نام کی غلطی کیخلاف اپیل مسترد کر دی۔
لاہور ہائیکورٹ کے جسٹس عابد عزیز شیخ نے سید اقتدار حیدر کی اپیل پر فیصلہ سنایا، اپیل میں بتایا گیا کہ مریم صفدر نے چیئرپرسن یوتھ لون پروگرام کے عہدے سے استعفیٰ دیا، حکومت نے استعفے کا نوٹیفکیشن مریم نواز کے نام سے جاری کیا جو غلط ہے۔
اپیل کنندہ کے مطابق شناختی کارڈ پر بھی مریم نواز کی بجائے نام مریم صفدر لکھا ہے، عدالت نےنام کی غلطی کےخلاف اپیل مسترد کر دی۔