برطانیہ کے شہربرمنگھم میں طوفانی بارش سے متعدد علاقوں میں سیلابی صورتحال پیدا ہوگئی۔
بارش کے باعث شہر کے متعدد نشیبی علاقے زیر آب آگئے، بارش کا پانی کئی گھروں میں داخل ہوگیا اور گاڑیاں بھی زیر آب آگئیں۔
والسل میں 80 سالہ شخص گاڑی ہی میں ڈوب کر ہلاک ہوگیا۔
محکمہ موسمیات نے شہر میں انیس سے زائد مقامات پر فلڈ وارننگ جاری کر رکھی ہے، شدید بارش سے اسپارک ہل، بورڈزلے گرین ایسٹ، ایجباسٹن اور سیلی اوک کے علاقے زیادہ متاثرہوئے۔
انتظامیہ نے ڈرائیوروں کو متاثرہ علاقوں میں گاڑی لے جانے سے اجتناب برتنے کی ہدایات جاری کر رکھی ہیں۔