نیوکراچی کے سیکٹر الیون جی میں نامعلوم افراد نے فائرنگ کر دی جس کے نتیجے میں ایک شخص جاں بحق ہو گیا۔
پولیس کے مطابق مقتول کی شناخت گلاب کے نام سے ہوئی ہے، ملزمان نے مقتول سے کوئی چیز نہیں چھینی، بظاہر واقعہ ذاتی دشمنی لگتا ہے۔
پولیس کا کہنا ہے کہ مقتول کا تعلق میر پور خاص سے تھا، جائے وقوع سے شواہد اکٹھے کر کے تفتیش شروع کر دی گئی ہے۔
مقتول گلاب کی لاش پوسٹ مارٹم کے لیے اسپتال منتقل کی گئی ہے۔