سابق وزیر اعظم نواز شریف نے اڈیالہ جیل میں پہلے دن ناشتے میں صرف چائے پر ہی اکتفا کیا ،انہیں انڈا پراٹھا اور چائے پیش کی گئی تھی ۔
ایون فیلڈریفرنس میں سزا پانے والے مسلم لیگ (ن)کے قائد اورسابق وزیر اعظم میاں نوازشریف اور ان کی صاحبزادی مریم نواز کولندن سے وطن واپسی کے بعد لاہورایئرپورٹ سے گرفتار کر کے خصوصی پروازکے ذریعے اسلام آباد پہنچایا گیاجس کے بعد دونوں کو الگ الگ اسکواڈ میں اڈیالہ جیل منتقل کردیاگیاتھا جہاں دونوں نے پہلی رات قید میں کاٹی۔
واضح رہے کہ نوازشریف کے داماد اور مریم نواز شریف کے شوہر کیپٹن ریٹائرڈ صدر پہلے ہی اڈیالہ جیل میں ہیں،انہیں جیل میں بی دے دی ہے تاہم ان کی دوسری در خواست مسترد کر دی گئی ہے جس میں انہوں نے مطالبہ کیا تھاکہ ان کی صحت ٹھیک نہیں اس لئے انہیں کھانا خود بنوانے یا گھر سے منگوانے کی اجازت دی جائے۔
اس در خواست پرتین ڈاکٹروں پر مشتمل میڈیکل بورڈ نے کیپٹن صفدر کا تفصیلی معائنہ کیا اور رپورٹ دی کہ کیپٹن (ر) صفدر پوری طرح صحت مند ہیں اور ایسی کوئی وجہ نظر نہیں آتی کہ وہ جیل کا کھانا نہ کھا سکیں۔ میڈیکل رپورٹ کے بعد کیپٹن (ر) صفدر کی کھانے کیلئے درخواست مسترد کر دی گئی ، انہیں جیل کا لنگر ہی کھانا پڑے گا۔