شکارپور: ایمبولینس پر فائرنگ ،4افراد جاں بحق

September 07, 2018
 

شکار پور میں انڈس ہائی وے پر ڈکھن کے مقام پر مسلح افراد کی ایمبولینس پر فائرنگ سے 4 افراد جاں بحق ہوگئےہیں ۔

پولیس کے مطابق دونوں گروپوں میں فائرنگ کا تبادلہ ہوا جس میں ایک شخص جاں بحق اور ایک زخمی ہوا ،زخمی شخص کو ایمبولینس میں لے جایا جارہا تھاکہ مخالف گروپ نےحملہ کردیا ۔

پولیس کے مطابق واقعہ جکھرانی برادری کے 2 گروپوں میں پرانی دشمنی کا نتیجہ ہے ،فائرنگ میں 2 خواتین زخمی ہوئیں جنہیں طبی امداد کے لئے اسپتال منتقل کردیا گیا ہے ۔

وزیراعلیٰ سندھ سید مراد علی شاہ نے واقعے کا نوٹس لیتے ہوئے ملزمان کی گرفتار کا حکم دے دیا ہے ۔

پولیس نے ضلع بھر میں ناکہ بندی کرکے ملزمان کی تلاش شروع کردی ہے ۔


مکمل خبر پڑھیں