لاہورہائی کورٹ نے بغیرہیلمٹ موٹرسائیکل چلانے والوں کے خلاف بلا تفریق کارروائی کا حکم دے دیا۔
عدالت عالیہ کے جج جسٹس علی اکبر قریشی نے سماعت کرتے ہوئے چیف ٹریفک پولیس آفیسر کو ٹریفک رولز پر سختی سے عمل درآمد کرنے کا حکم دیا ہے۔
جسٹس علی اکبر قریشی نے گاڑی اورموٹر سائیکل لائسنس کے میرٹ پر اجراء کا حکم بھی دیا۔
لاہور ہائی کورٹ نے چیف ٹریفک آفیسر سے لائسنس جاری کرنے کا طریقہ کار آج طلب کر لیا۔
عدالت عالیہ نے عبداللہ ملک ایڈووکیٹ کی درخواست پر یہ احکامات جاری کیے ہیں۔