سندھ بھر میں سی این جی اسٹیشنز کو گیس کی فراہمی کے فیصلے میں 12 گھنٹوں کی توسیع کردی گئی ہے۔
سوئی سدرن حکام کے مطابق سندھ بھر میں سی این جی اسیشنز کی آج رات 8 بجے بندش کا فیصلہ واپس لے لیا گیا ہے۔
صوبے بھر میں سی این جی اسٹیشنز پر رات 8 بجے کے بجائے کل صبح 8 بجے تک گیس فراہم کی جائے گی ۔
وفاقی وزیر پٹرولیم غلام سرور خان کے حکم پر7 دن کے تعطل کے بعدگزشتہ رات 8 بجے سی این جی اسٹیشنز کےلئے گیس کھولی گئی تھی ۔
سوئی سدرن کی طرف سے اس سے قبل یہ اطلاعات آئیں تھی کہ صوبے بھر میں سی این جی اسٹیشنز پر آج رات 8 بجے تک گیس فراہم کی جائے گی ۔
اس دورانیے میں 12 گھنٹے کا اضافہ کردیا گیا ہے جس کے بعد کل صبح 8 بجے تک سی این جی اسٹیشنز کو گیس فراہم کی جائے گی ۔