قومی کرکٹ ٹیم کے ہیڈ کوچ مکی آرتھر کہتے ہیں کہ آسٹریلیا کے خلاف پاکستان کی بہترین ٹیم میدان میں نہیں تھی۔
مکی آرتھر نے پریس کانفرنس کے دوران کہا کہ یقین دلاتا ہوں کہ ورلڈ کپ کی تیاریاں اچھے انداز میں ہوں گی، کیمپ 16 یا 17 اپریل سے شروع ہو گا۔
انہوں نے بتایا کہ یاسر شاہ اپنی ویڈیو کے بارے میں شرمندہ ہے، عمراکمل کے واقعے کا مجھے میڈیا منیجر نے بتایا۔
ہیڈ کوچ نے یہ بھی کہا کہ ہم نے کھلاڑیوں کو آرام دیا جس کے کچھ میرٹس اور ڈی میرٹس ہیں، انگلینڈ میں میچز کھیلنے کا موقع ملے گا۔