کراچی کے علاقے شاہراہ فیصل پر پیٹرول پمپ کے گارڈ کی طرف سے فائرنگ کی ویڈیو منظر عام پر آنے کے بعد پولیس نے سیکیورٹی گارڈ اور مینیجر کو حراست میں لے لیا۔
شاہراہ فیصل پی ایف بیس کے قریب پیٹرول پمپ پر صارفین کی پمپ کے عملے اور گارڈ سے تلخ کلامی کے بعد گارڈ نے ہوائی فائرنگ کردی جبکہ پمپ کا عملہ منیجر اور گارڈ بھی صارفین سے دست و گریباں ہوگئے، سیکیورٹی گارڈ کی فائرنگ کی ویڈیو سوشل میڈیا پر وائرل ہوگئی۔
آئی جی سندھ نے واقعہ کا نوٹس لیتے ہوئے ایس ایس پی ایسٹ سے واقعہ کی تفصیلی رپورٹ طلب کرلی۔
پولیس نے کارروائی کرکے پمپ کے مینجر اور سیکیورٹی گورڈ کو حراست میں لے لیا، پولیس کے مطابق ان زیرحراست افراد کے خلاف کارروائی کی جائے گی۔