سندھ پولیس کے سربراہ نے تسلیم کیا کہ کراچی میں اسٹریٹ کرائم کی وارداتوں میں اضافہ ہوا ہے اور ان کے اہل خانہ بھی اسٹریٹ کرائم کا نشانہ بنے ہیں۔
کراچی میں ایک تقریب سے خطاب میں آئی جی سندھ کلیم امام نے کہا کہ وہ منظم پالیسیز کے ساتھ کام کرنے کی کوشش کر رہےہیں، پولیس کا عوام کے بارے میں خیال ہے کہ وہ تعاون نہیں کرتے۔
انہوں نے شکایت کی کہ عوام جرم ہوتے دیکھ کر بھی اطلاع اور گواہی نہیں دیتے۔
آئی جی سندھ نے کہا کہ پولیس والے کو اچھے لوگوں کا دوست اور برے لوگوں کو پولیس والا لگنا چاہیے۔
انہوں نے کہا کہ کراچی میگا سٹی ہے، سیف سٹی پروجیکٹ کے بغیر کرائم کم نہیں ہوسکتے۔
کلیم امام نے کہا کہ شہر میں دیگر جرائم تو کم ہوئے لیکن اسٹریٹ کرائم بڑھ گئے، ان کے اہلخانہ بھی اسٹریٹ کرائم کا شکار ہوچکے ہیں۔