کراچی میں گیس کے کم پریشر کے باعث سی این جی اسٹیشنز 8 گھنٹے کھلنے کے بعد جمعہ کی صبح 6 بجے دوبارہ بند کردیئے گئے، طویل قطاروں میں لگے عوام کا کہنا تھا کہ اس ذلت کی گیس سے عزت کا پیٹرول بہتر ہے۔
شہر قائد میں رات 10 بجے کھولے گئے سی این جی اسٹیشنز کے باہر گیس کے حصول کے لیے رکشہ ، بسوںاور گاڑیوںکا رش لگا رہا اور لوگوں نے سرد رات سی این جی اسٹیشنز کے باہر لائنوں ميں لگ کر گزاری۔
سخت سردی میں گیس اسٹیشنز کے باہر لوگوں نے پريشر کم ہونے کا شکوہ کیا جبکہ بعض پریشان شہریوں کا کہنا تھا کہ اگر گيس نہیں دینی تو گاڑیاں بھی بند کردیں۔
کراچی میں سی این جی صلرفین کا کہنا تھا کہ گیس کا پہلے شیڈول کے مطابق انتظار کرنا پڑتا تھا مگر اب تو کئی کئی دن گزر جاتے ہيں پھر بھی گیس نہیں ملتی۔
دوسری جانب سی این جی ایسوسی ایشن کی جانب سے گیس سے متعلق تازہ شیڈول جاری نہیں کیا گیا ۔