ملک میں کورونا وائر س سے نمٹنے کے لیے حکومت نے نئی حکمت عملی تیار کر لی ہے ۔
حکومت نے کورونا وائرس کی کمیونٹی کی سطح پر آگاہی اورنشاندہی کیلئے پولیو سرویلنس ٹیمز کو میدان میں اتارنے کا فیصلہ کر لیا ہے ۔
نیشنل ایمرجنسی آپریشن سینٹر کی جانب سے مراسلہ ارسال کیا گیا ہے کہ کورونا وائرس کیلئے چاروں صوبوں، کشمیر، گلگت بلتستان کے پولیو ورکرزبھی خدمات انجام دیں گے۔
مراسلے میں لکھا ہے کہ ورکرز کی کورونا سرویلنس کے حوالے سے باقاعدہ ٹریننگ کروائی جائے گی جبکہ پولیو ایمرجنسی سینٹر کے ورکرز کورونا کی آگاہی اورکیسز کی بروقت نشاندہی کیلئے معاون ثابت ہوں گے۔