وزیرِ اعظم عمران خان کے معاونِ خصوصی برائے امورِ نوجوانان عثمان ڈار کا کہنا ہے کہ مشکل گھڑی میں حکومت مستحق افراد تک خود پہنچے گی۔
وزیرِاعظم عمران خان کی معاونِ خصوصی ڈاکٹر ثانیہ نشتر سے عثمان ڈار نے ملاقات کی جس کے دوران ملک بھر میں کورونا وائرس کی وجہ سے لاک ڈاؤن کی صورتِ حال پر گفتگو کی۔
عمران خان کے معاونِ خصوصی عثمان ڈار نے مزید کہا کہ آئندہ چند دنوں میں ضلعی انتظامیہ کے ساتھ مل کر ٹائیگر فورس کو متحرک کر دیا جائے گا۔
انہوں نے یہ بھی کہا کہ کورونا ٹائیگر فورس میں شامل نوجوان انتہائی مستحق اور بے روزگار مزدوروں کی نشاندہی کریں گے۔
یہ بھی پڑھیئے: ’ٹائیگر فورس میں رجسٹریشن 7 لاکھ سے تجاوز کرگئی‘
اس موقع پر ثانیہ نشتر نے کہا کہ ٹائیگر فورس سسٹم میں اندراج سے رہ جانے والے مزدوروں اور دیہاڑی دار افراد تک پہنچے گی۔