بلوچستان میں پچھلے تین ماہ سے کورونا کے خلاف فرنٹ لائن پر لڑنے والے ڈائریکٹر جنرل پی ڈی ایم اے عمران زرکون کورونا وائرس کا شکار ہوگئے۔
ڈی جی پی ڈی ایم اے بلوچستان عمران زرکون نے جیو نیوز کو بتایا کہ طبیعت ناساز ہونے پر کوروناوائرس کا ٹیسٹ کرایاجو مثبت آیا اور بیماری کی تصدیق ہوگئی۔
عمران زرکون نے کورونا کا ٹیسٹ مثبت آنے پر خود کو گھر پر آئسولیٹ کرلیا ہے۔ ڈی جی پی ڈی ایم اے نے دوست و احباب سے صحتیابی کے لئے دعا کی اپیل کی ہے۔