اپوزیشن جماعتوں نے پاکستان کے سب سے بڑے میڈیا گروپ جنگ اور جیو کے ایڈیٹر انچیف میر شکیل الرحمٰن کی فوری رہائی کا مطالبہ کردیا۔
پاکستان پیپلز پارٹی (پی پی پی) کے چئیرمین بلاول بھٹو زرداری کے ترجمان مصطفیٰ نواز کھوکھر نے ایڈیٹر اِنچیف جنگ اور جیو گروپ میر شکیل الرحمٰن کی گرفتاری کو میڈیا کی آواز دبانے کے مترادف قرار دیا۔
انہوں نے میر شکیل الرحمٰن کے خلاف انتقامی کارروائی کا سلسلہ بند کرکے انہیں فوری رہا کرنے کا مطالبہ کیا۔
ادھر قومی اسمبلی کے اجلاس کے دوران مسلم لیگ (ن) کے رہنما خواجہ سعد رفیق نے کہا کہ آج میر شکیل الرحمٰن پابند سلاسل ہیں۔
انہوں نے کہا کہ جنگ اور جیو تو آپ کے سب سے بڑے حمایتی تھے، کل یہ ادارہ ٹھیک تھا آج غلط ہوگیا؟