خیبر پختون خوا کے مشیرِ اطلاعات اجمل وزیر نے محلہ جوگن شاہ میں گوردوارہ کا دورہ کیا اور شیخوپورہ ٹرین حادثہ میں جاں بحق سکھ فیملی کے لواحقین سے تعزیت بھی کی۔
اس موقع پر مشیر اطلاعات نے کہا کہ افسوسناک واقعے نے سب کو افسردہ کیا ہے، متاثرہ سکھ خاندان کے دکھ میں برابر کے شریک ہیں۔
انہوں نے کہا کہ صوبائی حکومت متاثرہ خاندانوں کی ہر قسم کی مدد کرے گی۔
واضح رہے کہ گزشتہ روز شیخوپورہ میں قصبہ سچا سودا کے قریب سکھوں سے بھری کوچ ٹرین کی زد میں آ گئی تھی۔ حادثے میں ایک ہی خاندان کے 22 افراد ہلاک ہو گئے۔