ترجمان کریملن دیمتری پیسکوف نے کہا ہے کہ برطانیہ کے روس کے خلاف غیر دوستانہ اقدامات پر صرف افسوس ہی کیا جاسکتا ہے۔
صحافیوں سے گفتگو کرتے ہوئے روسی ترجمان کا کہنا تھا کہ ظاہر ہے اس معاملے پر جوابی متوازی اقدامات کے اصول پر عمل کیا جائےگا۔ انہوں نے روس کی جانب سے برطانیہ کے خلاف جوابی پابندیوں کے نفاذ کا امکان ظاہر کیا ہے۔
یاد رہے کہ برطانیہ نے حالیہ سالوں میں انسانی حقوق کی خلاف ورزی کے الزام میں گزشتہ روز 49 شخصیات اور اداروں پر پابندی عائد کرنے کا اعلان کیا، پابندیوں کے شکار افراد کی فہرست میں 25 روسی شخصیات بھی شامل ہیں۔
پابندیوں کی شکار شخصیات کے برطانیہ میں داخلے پر پابندی ہوگی جب کہ برطانیہ میں انکے اثاثے منجمد کردیئےجائیں گے۔