سابق مشیر اطلاعات اجمل وزیر کی مبینہ آڈیو ٹیپ کی تحقیقاتی رپورٹ محکمہ انفارمیشن نے وزیراعلیٰ محمود خان کو بھیج دی۔
رپورٹ میں اجمل وزیر کی جانب سے اسٹیرنگ کمیٹی کے رولز کی خلاف ورزی کا انکشاف سامنے آیا ہے، اجمل وزیر نے کمیٹی ممبر نہ ہونے کے باوجود دونوں میٹنگز میں مشترکہ صدارت کی۔
تحقیقاتی رپورٹ کے مطابق اجمل وزیر کے دستخط میٹنگ منٹس پر بھی موجود ہیں، جبکہ اشتہار حکومتی طریقہ کار کے تحت دیا گیا ۔
رپورٹ میں بتایا گیا کہ قانون اور پالیسی کےتحت ایجنسی کو اشتہار دیا گیا اور ایجنسی کو اشتہار دینے کا فیصلہ متفقہ طور پر کیا گیا جبکہ اشتہار حاصل کرنے کے لیے 7 ایجنسیوں نے دلچسپی ظاہر کی تھی۔