وزیر صحت پنجاب ڈاکٹر یاسمین راشد نے لاہوریوں سے عیدالاضحیٰ پر شہر کو گندگی سے پاک رکھنے کی اپیل کردی۔
ڈاکٹر یاسمین راشد نے پی ٹی آئی پنجاب کے صدر اعجاز چوہدری کے ہمراہ لاہور کے مختلف علاقوں کا دورہ کیا۔
انہوں نے لاہور کے شہریوں سے عیدالاضحیٰ پر شہر کو گندگی سے پاک رکھنے کی اپیل کرتے ہوئے کہا کہ شہری آلائشیں ویسٹ بیگز کے ذریعے کنٹینرز میں پھینکیں۔
صوبائی وزیر صحت نے دورے کے دوران لاہور ویسٹ مینجمنٹ کمپنی کے کیمپوں سمیت مختلف علاقوں میں صفائی انتظامات کا جائزہ لیا۔
ڈاکٹر یاسمین راشد نے ایل ڈبلیو ایم سی کے انتظامات پر اطمینان کا اظہار کیا۔