افغان مفاہمتی عمل کے امریکی نمائندہ خصوصی زلمے خلیل زاد نے افغانستان میں پُرتشدد کارروائیوں میں اضافے پر تشویش کا اظہار کرتے ہوئے بین الافغان مذاکرات کے فریقین پر تشدد میں کمی لانے پر زور دیا ہے۔
سوشل میڈیا پر جاری اپنے بیان میں زلمے خلیل زاد کا کہنا تھا کہ افغانستان میں کچھ روز سے تشدد میں اضافہ ہوگیا ہے۔
انھوں نے کہا کہ شہریوں سمیت افغانوں کی قیمتی جانوں کا نقصان افسوسناک ہے، حالیہ کشیدگی قابل مذمت ہے، افغان امن بات چیت کے فریقین کو تشدد میں کمی کرنی چاہیے۔