ممبئی (مانیٹرنگ ڈیسک) بھارتی فلم انڈسٹری کی معروف اداکارہ روینا ٹنڈن نے دنیا کی دوسری بڑی فلم انڈسٹری بولی وڈ میں ڈرگز مافیا کے خلاف آپریشن کا خیرمقدم کیا ہے۔اس تفتیش کو 1990 کے عشرے کی مقبول ترین اداکاروں میں سے ایک روینا ٹنڈن نے خوش آئند قرار دیا ہے۔سماجی رابطے کی ویب سائٹ ٹوئٹر پر اپنے پیغام میں رونیا نے زور دیا کہ ڈرگ ڈیلرز اور سپلائرز کو سزا دی جائے۔اداکارہ کا کہنا تھا کہ اب ’صفائی‘ کا وقت آگیا ہے، یہ بہت خوش آئند ہے، یہ آنے والی نسلوں کی مدد کرے گا۔روینا ٹنڈن نے اپنے پیغام میں کہا کہ ابھی یہاں سے شروع کریں، یقیناً اسے دیگر شعبوں تک بڑھائیں اور منشیات کو جڑ سے اکھاڑ پھینکیں۔یہ منافع کمانے والے رشوت خور ’بڑے لوگ‘ جو خود آنکھیں بند کرکے لوگوں کی زندگی برباد کردیتے ہیں۔