جاپان کے دریا میں ایک انوکھے ڈیزائن والی کشتی چلنے کی ویڈیو سوشل میڈیا پر تیزی سے وائرل ہورہی ہے جس کی شکل زِپ کے جیسی ہے اور جب وہ کشتی پانی سے گزرتی ہے تو دیکھنے والوں کو ایسا لگتا ہے جیسے کہ وہ آگے بڑھتے ہوئے پانی کو کھول رہی ہے۔
جاپانی میڈیا کے مطابق اس انوکھی کشتی کو’ زِپ فاسٹنر شپ‘ کا نام دیا گیا ہے جس کی آزمائش سیومیڈا دریا میں کئی گئی جبکہ یہ کشتی ڈیزائن آرٹ ٹوکیو 2020 میں عوامی دلچسپی کے لیے رکھی گئی ہے۔
اس زِپ نما کشتی کو جاپان کے ایک تخلیقی فنکار یاشیرو سوزوکی نے ڈیزائن کیا ہے جو روزمرہ اشیا کو بغور دیکھتے ہوئے انہیں اپنی ڈیزائننگ میں استعمال کرتا ہے۔
یاشیرو سوزو کا کہنا ہے کہ اُنہوں نے دن رات محنت کرکے اس ڈیزائن کو بڑھا کر کاغذ سے حقیقی شوروم تک پہنچایا لیکن تکمیل کے بعد ان کی محنت سامنے آئی جسے دیکھ کر ہر کوئی دنگ رہ گیا ہے۔