فرمان الہی
نماز کے اوقات
بیلاروس سے تعلق رکھنے والی ایک خاتون نے 20 ہزار فٹ سے زائد بلندی سے ہیلی کاپٹر جمپ لگا کر گنیز ورلڈ ریکارڈ قائم کر لیا۔
اولگا نومووا نے نیپال کے علاقے سیانگ بوچے میں ہیلی کاپٹر سے اسکی سرفنگ جمپ لگا کر دنیا کا بلند ترین اسکی سرف جمپ کرنے کا اعزاز حاصل کیا، انہوں نے 20 ہزار 945 فٹ کی بلندی سے چھلانگ لگائی، جو اب تک کا ریکارڈ ہے۔
گنیز ورلڈ ریکارڈ کے مطابق اولگا نومووا نے چھلانگ کے دوران 12 ہزار 356 فٹ کی بلندی تک اپنے اسکی بورڈ پر مکمل کنٹرول برقرار رکھا، جس کے بعد انہوں نے پیراشوٹ کھول کر بحفاظت زمین پر لینڈنگ کی۔
اولگا نومووا گزشتہ 15 برسوں سے اسکی سرفنگ سے وابستہ ہیں۔
گنیز ورلڈ ریکارڈ سے گفتگو کرتے ہوئے انہوں نے بتایا کہ اسکی سرفنگ دریافت کرنے کے بعد سے ہی ان کا خواب تھا کہ وہ کوئی منفرد اور غیرمعمولی اسکا ڈائیو انجام دیں۔
ان کا کہنا تھا کہ یہ ریکارڈ میرے لیے ایک خواب کی تعبیر ہے اور میں مستقبل میں بھی مزید چیلنجنگ کارنامے انجام دینے کی خواہش رکھتی ہوں۔
