گلوکارہ شبنم مجید کے بھائی عبدالوحید کے قاتل کو گرفتار کرلیا گیا ہے۔
اس حوالے سے پولیس کا کہنا ہے کہ مقتول عبدالوحید کی بیوی کا بھائی دین عباس ہی اس کا قاتل ہے۔
ترجمان انویسٹی گیشن پولیس کے مطابق مقتول عبدالوحید کا اپنی بیوی کے ساتھ لڑائی جھگڑا رہتا تھا جس کا اس کے برادر نسبتی دین عباس کو رنج تھا۔
انھوں نے بتایا کہ گرفتار ملزم دین عباس نے اپنے دوست ارسلان رضا کے ساتھ مل کر عبدالوحید کو کچھ دن قبل قتل کیا تھا اور دونوں روپوش ہوگئے تھے۔
تاہم اب انویسٹی گیشن پولیس نے دونوں ملزمان کو گرفتار کر لیا ہے۔